ДАНО УДМУРТ ПИМЫЛЭН МАКСИМ ПРОКОПЬЕВЛЭН ВОРДСКЕМЕЗ ДЫРЫСЕН 139 ар.(кылем арынзэ ватсаса поттӥсько)
АРТЭ УЛӤСЬ УДМУРТ НО БИГЕР КАЛЫКЪЁСЛЭН ОГКАДЬ ДАНО ПИОССЫ ВАНЬ: МАКСИМ ПРОКОПЬЕВ (1884- 1919) но МУЛЛАНУР ВАХИТОВ.(1885-1918). Вордскемын но быремын огвакытэ. Кыкназы ик калыкъёссылэн эриксы понна нюръяськизы, кыкназы ик ас калыксылы автономия кылдытон бордын ужазы, кужмо ораторъёс вал. Кыкназэсты ик Колчаклэн убиръёсыз быдтӥзы. Я, БЕН ОЙДО БУРЕ ВАЁМЫ СООСТЫ!
Кызьы бен сӥлы каремын та кык калыкъёслэн пиоссы?.
МУЛЛАНУР ВАХИТОВ.
1922 арын майтал поттон заводлы М.М.Вахитовлэсь нимзэ сётӥзы, 1962 арын Вахитов нимо химкомбинат азьысь карлудлы Вахитовлэсь нимзэ сётӥзы
1973 арын Вахитовлэн нимыныз нимамын Казаньысь шунды ӝужан пал люкетысь одӥгез район, 1995 арын ёрос бадӟыматэмын вал но карлэсь быдэсак шор люкетсэ басьтӥз. Озьы ик Казаньысь одӥгез чугун сюрес станция солэн нимыныз нимамын - Вахитово.
1985 арын М. Вахитовлэсь вордскемез дырысен 100 ар тырмонзэ пусйизы. Солэн нимыныз нимамын вал Казаньлэн шурсьӧр люкетысьтыз одӥгез урам. Казаньысь карлудын вырйылэ Вахитовлы ӝужыт памятник пуктэмын.
Нижний Новгородын, революционерез данъяса, одӥгез переулок солэн нимыныз нимамын.
Н.Челныын но Нижнекамскын Вахитов нимо проспект но городысь больница дорын бюст. Геройлэн нимыныз нимамын Бугульмаын, Белебейын, Ишимбайын, Нурлатын урамъёс . Челныын гимназия солэсь нимзэ нуллэ.. Трос гуртъёсын Вахитов нимо урамъёс, гурт возёс нимъёс....
Кылдытэмын литературной но крезьгуро произведениос.
МАКСИМ ПРОКОПЬЕВ.
Нош кызьы данъяло меда МАКСИМ ПРОКОПЬЕВЕЗ? Вордскем гуртысьтыз школа М.Прокопьевлэсь нимзэ нуллэ. Кукморын одӥг урамлы но переулоклы солэсь нимзэ сётэмын, Удмуртиын Максим Прокопьевлэн нимыз дано муртъёс пӧлы пыртэмын.
Но, берлояз мон малпасько, тырмымтэез вань. Дано нимъёс сярысь Указын Максим Прокопьев тазьы гожтэмын: "День рождения Максима Прокопьевича Прокопьева, удмуртского писателя, поэта, просветителя, переводчика – 29 января;" Одно ик ватсаны кулэ на "ОДНОГО ИЗ ОСНОВОПОЛОЖНИКОВ УДМУРТСКОЙ ГОСУДАРСТВЕННОСТИ" шуыса. Малпасько, УР-лэн Кун Кенешез та тырмымтэез геройлэн вордскемез дырысен 140 ар тырмонэз азьын палэнтоз. Иосиф Алексеевич Наговицын Максим Прокопьев сярысь гожтэ: "ПИОНЕР ВОТСКОГО ДВИЖЕНИЯ В НАЦИОНАЛЬНОМ САМОУПРАВЛЕНИИ НАРОДА, КРУПНЕЙШИЙ ПОЛИТИЧЕСКИЙ ДЕЯТЕЛЬ и ПРОСВЕТИТЕЛЬ". Бадӟым дунъет сётэ Кузебай Герд но:"МАКСИМ ПРОКОПЬЕВ ПЕРВЫМ ОЧЕРТИЛ СВОЕЙ РУКОЙ КОНТУРЫ ТЕРРИТОРИИ БУДУЩЕГО УДМУРТСКОГО ГОСУДАРСТВЕННОГО ОБРАЗОВАНИЯ, ЗАЛОЖИВ ОСНОВЫ К СОЗДАНИЮ ЕГО КОНСТИТУЦИИ".
История наукаосъя кандидат, Татарстанлэн нырысетӥ президентэзлэн М.Ш Шаймиевлэн кенешчиез , И.А.Наговицынлэн внучатой племянницаез Валентина Серафимовна Хазиахметова "ТРИ КОМИССАРА" книгалэн презентацияз Ижевскын вера:" «Мы должны помнить о тех людях и о том времени, когда рождалась национальная республика Удмуртия. Это Прокопьев, Борисов и Наговицын" Та куинь нимъёс ЛЮКОНТЭМЕСЬ .
Алигес "Даур-ТВ"-ын тодмо писательмы, кылбурчимы Вячеслав АР-СЕРГИ но Максим Прокопьевез данъяса вераськиз.
2022 арын Максим Прокопьев сярысь выль книга потӥз - со Ульфат Бадретдиновлэн " ТУННЭ - ӴУКАЗЕЛЭН КУТСКОНЭЗ " нимаське. Книгалэн тиражез 130 сяна ӧвӧл, сое тросгес карыса поттыны кулэ. Гожтонме йылпумъяса, тодматэме потэ та книгалэн пумысьтыз кӧня ке чуръёсын.
" Ижкар. 2030-тӥ ар. 29-тӥ толшоре.
Удмурт Элькунлэн шоркарысьтыз Максим Прокопьев ульчае трос калык люкаськемын. Адямиос киосазы сяськаосын сылотодмо удмурт комиссарлэн, кылбурчилэн, югдытӥсьлэн Прокопьевлэн ӝужыт синпелетэз вӧзын. Отчы Элькунлэн Тӧроез Италмас Петровна Пислегина но министръёс вуизы.
- Гажано эшъёс! - удмурт кылын вазиськиз Тӧро. - Туннэ асьмеос удмурт автономи кылдытӥсьёс пӧлысь одӥгзэ буре ваиськомы. Туннэ солэн вордиськем нуналаз , ӟеч пыӵам сямъя, Максим Прокопьев нимо кун премиос сётъяськом..."
Гожъясько та чуръёсты но малпасько, куке быдэсмоз меда авторлэн но мукет удмуртъёслэн та сюлэмвисёнзы !
Мон сямен, вуоно арын 29 толшоре 2024 арын, кылдэм ке, Удмурт йӧскалык театрын Дано пимес буре вайыса бадӟым ӝыт ортчытӥськоз. Сое радъян понна вань асьмелэн быгатӥсь усто тодосчиосмы, культура но дышетон удысын тыршисьёсмы. Одно ик ортчытӥськоз! Солы али ик дасяськыны кутсконо ни. Нош театральной представлениын Максим Прокопьевлэсь рользэ шудӥсен Удмурт театрысь артистэз С. Наговицынэз адӟисько.Кызьы шуэ Татьяна Витальевна: буйгатсконо ӧвӧл, ужано!
Озьы, асьмелы ужаса сётӥзы, табере соослэсь ужзэс асьмеос быдэстыны, азинтыны кулэ.